บ่าวเจมส์ สาวส้ม - เจมส์ จตุรงค์ ส้ม พฤกษา
ส้มจ๋า เขาส่าว่าเจ้ามีใหม่ เจ้าเปลี่ยนไลน์ เปลี่ยนใจไปเลยหนอ
ไปเข้าเรียน มหา’ลัยเจอคนหล่อ ลืมแล้วบ้อ หนุ่มนาชื่อบักเจมส์
เจมส์จ๋า อย่ามาทำท่าให้ยาก เจ้าของแฮงคัก หายากปานงมเข็ม
จีบเฮา แล้วหายเนาะอ้ายเจมส์ ผู้สาวเต็ม คนจีบตรึมแล้วลืมเรา
คำคนเว้าพากันเหมาไปทั่ว คำคนเว้าพากันเหมาไปทั่ว
สองปีกั่วแล้วอ้าย แล้วอ้าย ถิ่มเฮาไว้ให้อยู่เหงา
ติดต่อเจ้าไลน์บ่อ่าน โทรบ่ติด ส้ม : ย้อนให้เฮาเป็นคนผิด ทั้งที่เจ้าของเป็นคนต้ม
(ต้มจั่งใด๋ ไลน์หากะตอบ กะบ่อ่านจั๊กเทือเฮานะ คิดฮอดเพิ่นวะสั่น)
(พ่วน เว้าคือ)
ส้มจ๋า อ้ายว่าเซาเคียดกันเถาะ สายไปบ่ ถ้าสิขอซ่อม ฮักหวาน
มีไผแทนแล้วบ้อ บ่พ้อนาน ซ่อมเมื่อวาน ให้หวานคืนได้บ่
เจมส์จ๋า ถามใจเจ้าของแนเถาะ พร้อมแล้วบ่ สิฮักเดียวจังมาถาม
สาวในเฟซ ในไลน์ผู้งามๆ ก่อนมาถาม เคลียร์เขาไปได้หรือยัง
เคลียร์จนว่าง บ่มีหยังเกลี้ยงป่อยหล่อย เคลียร์จนว่าง บ่มีหยังเกลี้ยงป่อยหล่อย
น้องก็ปอดอ้อยส้อย อ้อยส้อย มีไผต้อยกะบ่สน ขอไปซ่นอยู่หม่องเก่าในหัวใจ
เห็นหน้าเฮาเว้าคือหลาย เว้าจากใจ อีหลีน้อง
(จังแม่นเพิ่นหวาน ต่อหน้าเฮาเว้าคือแถ่ะดอก บาดลับหลังเฮาน้า คนเขาส่าตึ้มๆ)
(บ๋า ... ผู้ใด๋ล่ะว่า)
Advertisment
