เทื่อหนึ่ง - อี๊ด ศุภกร
ว่าเคยหนึ่งเคยได้ยืนเคียงข้างกาย เทื่อหนึ่งเคยให้ผ้าห่ม ผืนเดียวกัน
เคยบอกว่าฮักก่อนนอน ทุกวันให้เจ้าฝันดี
บ่เป็นหยังดอกว่า อย่างขี้ล่ายอ้ายกะเคยเป็น เคยเป็นคนฮัก ของเจ้าคนหนึ่ง
ถึงแม้เจ้า สิมีคนใหม่ กะขอบใจในความหวานซึ้ง แค่เพียงเทื่อหนึ่ง ให้จดให้จำในหัวใจ
เจ็บกะสิอดเอา เหงาแหน่คงบ่ถึงตาย อ้ายคนผู้ฮ้าย กะเข้าใจที่เจ้าเมิน
เส้นทางเดินของอ้ายมันลูกรัง จักฝุ่นจักหยัง หมองมัวเหลือเกิน
สิให้เจ้าเดิน ไปจั่งได๋ มีแต่ไหง่เข้าตา
* บ่โทษบ่ว่า บ่เคียดบ่ขม ถึงใจดวงนี้ต้องทุกระทม ก็ยังดีใจ
** ว่าเคยหนึ่งเคยได้ยืนเคียงข้างกาย เทื่อหนึ่งเคยใช้ผ้าห่ม ผืนเดียวกัน
เคยบอกว่าฮัก ก่อนนอนทุกวัน ให้เจ้าฝันดี
บอกคนใหม่ของเจ้าแนเด้อ ให้เฮ็ดเสมอ ก่อนนอนอย่างนี้
เพราะโตอ้ายมันเบิ่ดหน้าที่ มีสิทธิ์แค่ห่วงห่างๆ ยังดี (สิยิ้มทั้งน้ำตา)
(* , **)
ว่าเคยหนึ่งเคยได้ยืนเคียงข้างกาย เทื่อหนึ่งเคยใช้ผ้าห่ม ผืนเดียวกัน
เคยบอกว่าฮัก ก่อนนอนทุกวัน ให้เจ้าฝันดี
สิจดเอาไว้ ใส่ใจว่าเทื่อหนึ่ง เคยฮักเคยซึ้ง ตราตรึงอย่างนี้
เพราะโตอ้าย มันเบิ่ดหน้าที่ มีสิทธิ์แค่ห่วงห่างๆ ยังดี สิยิ้มทั้งน้ำตา
Advertisment
